Klatredag på klatresteinen i Hedler
Klatresteinen i Hedler
Magnar Høyvik
Klatregruppa i Lærdal Idrettslag - Klatring inviterer alle som er interesserte - både ungar, ungdomar, vaksne og dei som berre er litt nyfikne, til ein triveleg klatredag på Jektesanden klatrestein ute i Hedler.
Her skal ein berre ha det moro, og det er ingen prestasjonspress av noko slag. Det er den som klatrar som bestemmer tempo og kor høgt ein vil klatra. Her er det berre vinnarar uansett nivå.
Klatresteinen har i alt 24 bolta klatreruter som byr på det meste av utfordringar. Fem av dei er «barneruter», som og sjølvsagt er for vaksne. Arrangør stiller med eigne folk til å sikra, og tilbyr kun klatring på «topptau» - den tryggaste form for klatring. Arrangør stiller og med alt av klatreutstyr som tau, klatresele, hjelm og klatresko.
Er det nokon sjølvstendige som har klatrepartner og vil klatra på led, er de og sjølvsagt velkomne, men de må ha dykkar eige klatreutstyr. Det er og to fine bålplassar og ved der ute, so ta gjerne med dykk grillmat.
Søndag 26. april frå kl. 11 i Hedler - det er berre å møta opp, og ved spørsmål kan ein ta kontakt med leiar i Klatregruppa, Lærdal IL Klatring, Magnar Høvik, på Messenger