Frå Lærdalsturneringa
Ole Ramshus Sælthun
Det betyr at frivillige organisasjonar og private aktørar i Lærdal kommune kan søke på dette tilskotet.
Ein finn meir informasjon om tilskotsordninga på Bufdir sin nettside.
Mål og målgruppe
Målet med tilskotsordninga er å leggja til rette for at alle barn og unge skal ha høve til meistring og samfunnsdeltaking.
Tilskotsordninga skal bidra til utvikling av opne møteplassar, deltaking på ferie- og fritidsaktivitetar og fullføring av utdanningsløp.
Med samfunnsdeltaking siktar ein til tilknyting til fritidsaktivitetar, kulturliv, utdanning, organisasjonsliv og arbeidsliv, og dessutan demokratisk deltaking.
Målgruppa er barn og unge frå 0 til og med 24 år som av ulike grunnar står i fare for å hamna i utanforskap. For aktivitetstypane "ungdomslos" og "opne møteplassar" er målgruppa barn og unge mellom 10 og 24 år.
Utanforskap handlar om å stå utanfor ulike arenaer eller fellesskapar i samfunnet.
Risikofaktorar for utanforskap kan vera:
- å veksa opp i familiar med låginntekt
- manglande sosialt nettverk
- manglande tilknyting til skule/arbeid
- manglande deltaking i fritidsaktivitetar
Risikofaktorer kan vera overlappande eller forsterka kvarandre.
Kven kan søkja?
- Offentlege instansar
- Frivillige organisasjonar
- Private aktørar
Søknadsfrist er 01.november 2025.
Slik søkjer du:
- Sett deg inn i regelverket og informasjonen på nettsida til ordninga.
- Logg inn, fyll ut og send inn søknad i søknadsportalen til Bufdir
Etter at du har sendt inn søknaden
Søknader som er sendt inn av andre aktørar enn kommunen sjølv, skal rangerast av kommunen. Ungdomsrådet skal gis moglegheit til å uttale seg om rangeringa. Kommunen skal forankre rangeringa av søknadene på besluttande politisk eller administrativt nivå. Kommunen har frist for rangering av søknadane innan 16.januar 2026.
Etter at kommunen er ferdig med rangeringa set Bufdir i gang med den endelege sakshandsaminga av søknadene. Det vil vera informasjon på Bufdir sin nettside om forventa sakshandsamingstid.