Vestnorsk fjordlandskap - Nærøyfjordområde - handsaming av søknadar til landbruket i 2025Aurland kommune har handsama ferdig søknadar frå bøndene i verdsarvområde for 2025. Det er komme inn mange gode søknadar, og me har diverre ikkje midlar til å støtte alle. Prioriteringane har vore vanskeleg, då alle innkomne søknadar er i tråd med formålet med tilskotsordninga. Det er løyv kr 2 986 260 til årleg drift, og kr 1 173 740 til investeringar. Dette utgjer ei samla løyving med kr 4 160 000 til landbruket i verdsarvområde i Nærøyfjorden. Løyvde midlar - verdsarv - landbruk - 2025.pdf (PDF, 100 kB) Tilskotsordninga er forvalta i tråd med Forskrift om tilskudd til tiltak i Utvalgte kulturlandskap i jordbruket og verdensarvområdene Vegaøyan og Vestnorsk fjordlandskap og Røros bergstad og Cirkumferensen, og Tiltaksplan Vestnorsk Fjordlandskap – kulturlandskapet. Den nasjonale tilskotsordninga som er etablert for å styrka landbruket i Vestnorsk Fjordlandskap, er svært viktig for å ha eit aktivt landbruk i verdsarvområde. Det er svært positivt at nasjonale myndigheiter prioriterer midlar til landbruket i verdsarvområde. Likevel ser me at det er behov for auka ramme for å støtte planlagde investeringar i tillegg til å støtte årleg drift. Auka kostnadar til både drift og investeringar, fører og til at prosjekt no er dyrare å få realisert. Bøndene i Nærøyfjordområde legg ned ein god og viktig innsats for å ta vare på, og bruke naturressursane i område, til produksjon av mat og ivaretaking av jordbruket sitt kulturlandskap. Arbeidet dei gjer, er og til glede for tilreisande og fastbuande. All honnør for innsatsen! Foto: Felles Landbrukskontor ÅLA og Statsforvaltaren i Vestland