Tilbod om sorggruppe

Har du mista ein av dine næraste? Ynskjer du å snakke med andre i same situasjon? Då kan kanskje sorggruppe vera noko for deg.

Illustrasjonsfoto - Klikk for stort bileteIllustrasjonsfoto Linda Mannes

Me startar opp igjen med sorggruppe for innbyggjarar i Lærdal, Aurland og Årdal.

 Alle samlingane vert haldne i Lærdal, i Kyrkjestova ved Hauge kyrkje. Fyrste samling vert  4.november 2025 kl. 18.00 – 20.00. Det vert sett fram kaffimat og kaffi/te.

 Føremålet er å tilby eit samtalefellesskap som bidreg til at kvar enkelt kan få støtte til å sjå framover.

Greit å vita om sorggruppe

• Mellom 4-8 deltakarar.

• Alle i gruppa har teieplikt.

• Gruppa samlast ca. annan kvar veke, ca. 8 samlingar.

• Temabasert, men fleksibelt.

• Samtalane tek ikkje utgangspunkt i tru eller livssyn.

• Sorggruppetilbodet er gratis.

 Sorggruppa vert leia av sokneprest Wenche Lie Lysne og kreftsjukepleiar Linda Mannes.

 For å melda deg på ta kontakt på telefon:

  • Wenche Lie Lysne: 99554531
  • Linda Mannes: 97699266