Tilskotsordninga skal bidra til å ta vare på verneverdige kulturminne av lokal og regional verdi, og midlane skal nyttast til konkrete vernetiltak på bygningar og anlegg. Søknadene blir handsama av kommunen før dei blir sende vidare til Vestland fylkeskommune for endeleg vurdering.
Kva kan du få tilskot til?
Det kan søkjast om tilskot til istandsetting av faste kulturminne i Vestland fylke som:
- er prioriterte i kommunen sin kulturminneplan
- er regulerte til bevaring eller har omsynssone for kulturmiljø
- er vurderte av fylkeskommunen som kulturminne av regional verdi eller interesse
Tiltaka må følgja antikvariske retningsliner, og tilskotet skal i hovudsak gå til reelle vernetiltak – ikkje ordinært vedlikehald eller drift.
Kven kan søkja?
Eigaren av eit verneverdig kulturminne kan søkja. Kommunen prioriterer søknadene før dei blir sende vidare til fylkeskommunen. Det er ein føresetnad at kulturminnet er vurdert og prioritert i kommunen, og søkjarar blir oppmoda til å ta kontakt med kommunen i forkant av søknaden.
Informasjon om søknad og søknadsfrist
Frist for å senda søknad til Lærdal kommune er 17. april 2026.
Søknaden skal sendast til post@laerdal.kommune.no, og merkast Verna kulturminne.
Søknaden skal innehalda:
- skildring av tiltaket
- tilstandsanalyse
- foto
- kostnadsoverslag og finansieringsplan
- kort grunngjeving for kulturminneverdi
Lærdal kommune sender samla søknader vidare til Vestland fylkeskommune innan fastsett frist.
Meir informasjon og rettleiing
Utfyllande informasjon om ordninga og vilkår finn du på Vestland fylkeskommune si nettside.
Ta gjerne kontakt med kommunen dersom du ønskjer rettleiing før du søkjer.