Illustrasjonsfoto av høgspentmasterKommunestyret i Lærdal har vedteke ei ordning som inneber at private kundar folkeregistrerte i kommunen får same straumpris i 2026 som i dag - 40 øre pr kwh inkl. moms.
Ein må gjera følgjande to steg for å få ordninga som gjev straumpris på 40 øre pr kwh:
- Bestilla Norgespris på elhub.no via denne lenkja innan 1.januar 2026.
- Bestilla ny straumavtale med verknad frå 1.januar 2026 for innbyggjarar i Lærdal kommune med Kraftriket - denne kan ein bestilla frå 10.desember på Kraftriket si nettside. Avtalen må bestillast innan 18.desember for at ein skal vera garantert avtaleoppstart 1.januar. (Ein vil då få oppstart 1. januar sjølv om det i oppsummering av bestillinga skulle stå noko anna. Ein treng ikkje frykta brotgebyr)
Hjelp til kundar utan BankID
For å signera straumavtalen som gjev denne prisen med Kraftriket på internet, må ein ha BankID eller tilsvarande digital indentifiksjonsløysing.
Har ein ikkje digital identifikasjonsløysing kan ein altså møta opp på Lærdal rådhus torsdag 11. desember klokka 9-12 eller tysdag 16.desember klokka 12-1430. Ein kan også avtala møte i Kraftriket sine lokale for å signera, dersom desse tidspunkta ikkje passar. Ring i so fall Kraftriket på tlf: 321 41 000
Fastprisavtalar til jordbruks- og bedriftskundar
Kommunestyret i Lærdal har vedteke at det blir fastprisavtalar for bedriftskundar og jordbrukskundar også i 2026, til 40 øre pr kwh pluss avgifter. Kundar som har desse avtalane no i 2025 treng ikkje føreta seg noko - desse blir automatisk vidareført. Meir informasjon på denne lenkja til Kraftriket si nettside.