Lyden som reddar liv – sjekk røykvarslaren 1. desemberI Lærdal har det dei siste åra vore fleire bygningsbrannar. 60% av dei er i einebustad. Sjekk røykvarslarane på Røykvarslardagen 1. desember, og byt batteri ved behov.– Røykvarslardagen er ei viktig påminning om å ta branntryggleiken på alvor når vi no går inn i ei tid der det tradisjonelt oppstår mange brannar. Det viktigaste du kan gjera for branntryggleiken heime, er å sjekke at alle røykvarslarane i bustaden fungerer slik dei skal, påpeikar branninspektør Svein Ove Åmås. Alarmen skal kunne høyrast tydeleg på opphaldsrom og soverom, også når døra mellom romma er lukka. –Mange har og problem med å kontrollera røykvarslarane sjølve. Me oppmodar difor alle til å sjekka om dine næraste har røykvarslar som fungerer og byt batteri ved behov, held Åmås fram.– På måndag 1.desember vil våre brannførebyggarar saman med El-tilsynet stå på stand på ved Coop Extra i Lærdal. Kom og snakk med oss om branntryggleik i heimen, eller andre spørsmål de må ha mellom klokka 11 og 14. På www.roykvarslerdagen.no og www.sikkerhverdag.no finn du nyttig informasjon om tiltak som betrar branntryggleiken.