Kommuneplanen sin samfunnsdel på høyring
Høyringsfrist er 11.mai 2026
Lærdal kommune sin planstrategi legg opp til revisjon av kommuneplanen sin samfunnsdel i denne kommunestyreperioden. Samfunnsdelen er kommunen sitt overordna styringsdokument og skal leggja føringar for alt anna planarbeid. Den synleggjer dei strategiske vala for samfunnsutviklinga i kommunen, og viser korleis kommunen arbeider med overordna omsyn som til dømes folkehelse, barn og unge, klima og miljø og næringsinteresser. Administrasjonen har utarbeidd eit høyringsutkast til planen i tråd med vedteke planprogram frå desember 2025.
Formannskapet vedtok i sitt møte 19.mars å leggja kommuneplanen sin samfunnsdel på høyring. Høyringsfrist er 11.mai. Du kan lesa planen ved å klikka på denne lenkja. Sjå informasjon om å senda høyringsinnspel i boksen under.
Du sender inn høyringsinnspel på ein av to måtar:
- På e-post til: post@laerdal.kommune.no
- I papirform til: Lærdal kommune, Øyraplassen 7, 6887 Lærdal. Merk konvolutten med “Høyringsinnspel”
Dersom høyringsinnspelet er kome inn innan høyringsfristen, blir det i sin heilskap lagt ved i sakspapira til den politiske handsaminga av saka. Høyringsinnspelet og kven som har sendt det blir altså offentleggjort. Du har ingen krav om å få eksplisitt svar på høyringsinnspelet og/eller at det blir heilt/delvis teke til følgje.