Klart for julemarknadshelga

Alt ligg til rette for ei strålande marknadshelg i Lærdal 20. - 22. november. Juleltrelysa er komne opp til julegateopninga, utstillarlista er større enn nokon gong og vêrmeldingane ser bra ut. 

Julemarknaden 2026 - Klikk for stort bileteJulemarknaden 2026

Tradisjon tru startar julemarknadshelga med julegateoopning fredagen klokka 18 med tenning av julegrana, julemusikk, tale ved ordføraren og besøk av julenissen.

Laurdag opnar bodene klokka 11 og kulturskulen syng marknaden inn frå trappa på Gamlebanken. Elles byr marknadslaurdagen på både julemusikk ved Lærdal musikklag og lesing av juleeventyr i Kvammegården og - det blir hesteriding i Rådhusparken. På kvelden, både klokka 18 og 20, er det showkonsert med Eldar Vågan trio “Perler for svineribbe” i Frilund ungdomshus - klikk på denne lenkja for å bestilla billettar.

Søndag opnar bodene klokka 12, det blir kyrkjekaffi på scena i Kvammegården og så avsluttar marknadhelga med julekino - Thorbjørn Egner sin “Julenissens verksted”. Fullt program finn du på Lærdalsmarknanden si Facebookside ved å klikka her. Det blir nærare 100 boder med utstillarar - ein rekordstor julemarknad med andre ord. Dessutan er det meldt behageleg førjulsvêr - lettskya, lite vind og rundt null grader, eller rett på plussida.