Gang- og sykkelveg i Sekleppvegen stengt denne veka

Traseen for den nye gang- og sykkelvegen er der det er gravd ei grøft på biletet Ole Ramshus Sælthun

Gang- og sykkelvegen i Sekleppvegen blir stengt så lenge arbeidet pågår - det skal leggjast nye kummar her. I utgangspunktet vil det bli stengt ut arbeidsveka, til fredag 12. desember, med atterhald om at framdrifta blir som planlagt. I denne perioden må ein nytta vegen Øyane i staden.

Når arbeidet med vatn og avløp er ferdig kan gang- og sykkelvegen nyttast som før. Vegen - som har noko omlagt trasé - skal også asfalterast, men dette skjer først til våren.