NVE har sendt ut varsel om flaumfare dei komande dagane. Det er venta mykje nedbør og auka vassføring i elvar og bekkar. Situasjonen kan utvikla seg raskt lokalt. Farevarselet gjeld frå 25.05.
Råd til innbyggjarar og grunneigarar
• Rydd stikkrenner, sluk, grøfter og kummar slik at vatnet får fri passasje
• Ver særleg merksam nær elvar, bekkar og bratte skråningar
• Unngå ferdsel i område med fare for erosjon, utgliding eller skred
• Følg med på kjellarar og andre utsette område dersom du tidlegare har hatt problem med vatninntrenging
• Sørg for at takrenner og avløp ikkje er tette
• Ha lommelykt, ladde mobiltelefonar og nødvendig utstyr tilgjengeleg ved eventuelle straumbrot
Følg med på oppdaterte varsel
Oppdaterte varsel og informasjon finn du på:
• Varsom.no – flaum- og jordskredvarsel
• Yr.no – vêrmeldingar og nedbørprognosar
Ved akutt fare for liv og helse: ring 112.
Kommunen vil leggja ut oppdatert informasjon dersom situasjonen endrar seg.
