Illustrasjonsbilete av mobiltelefon

– Å verna sivilbefolkninga er ei kjerneoppgåve for myndigheitene i krise og krig.  Varslingsprøver er ein kritisk del av det å testa den nasjonale beredskapen for å kunne verna sivilbefolkninga også i krig, seier Elisabeth Aarsæther, direktør i Direktoratet for samfunnssikkerhet og beredskap.

Totalforsvarsåret 2026 er så vidt i gang når årets første varslingsprøve går av stabelen.

– Dei halvårlege varslingsprøvene blir sende til befolkninga over heile landet. Gjennom denne øvinga blir alle innbyggjarar kjende med korleis varslingssystema fungerer og korleis dei reagerer. Dette bidreg til å styrkja beredskapen og gjer samfunnet meir robust, i tråd med måla for Totalforsvarsåret.

Dersom du ikkje ønskjer å motta varselet, må du slå av telefonen eller setja den i flymodus frå klokka 11.55 til 12.15 onsdag 14. januar, står det vidare på Direktoratet for samfunnstryggleik og beredskap sine nettsider, der du også kan lesa meir om varslingsprøven.