Kvifor skal ikkje feitt i avlaupet?
Feitt i avlaupsnettet er eit aukande problem, både i private og kommunale rør. Kvart år må Engeviken kommune bruke pengar og ressursar på problem knytt til feitt i avlaupsnettet.
Avlaupsnettet er bygd for å handtere vatn, tiss, bæsj og toalettpapir. Det hjelper ikkje at det vert nytta varmt vatn og såpe når fettet fjernast frå gryter og panner, for fettet vil stivne igjen når det kjem lenger ut i røyra. Feitt frå matrestar og matlaging tettar og skaper problem i rør og ved pumpestasjonar. Dette kan føre til tilbakeslag i toalett, oversvømmingar i kjellarar, lukt- og rotteproblem.
Slik fjernar du feitt- og oljerestar
Feittrestar etter steiking
Feitt i steikepanna fjernast med tørkepapir som kastast saman med matavfallet. På den måten unngår ein grisete oppvaskkum og panna er lettare å vaske.
Flytande matrestar og mindre mengder flytande feitt
Flytande matrestar og mindre mengder flytande feitt kan fint hellast rett i matavfallet saman med tørrt matavfall. Dersom ein er redd for at matavfallet skal lekke, kan ein ekstra pose nyttast. Alternativt kan feitt som ikkje stivnar samlast i tett emballasje (for eksempel i ein brukt melkekartong med tape eller ei flaske utan pant) og kastast i restavfallet.
Større mengder flytande feitt (frityrolje og matolje)
Dersom ein har store mengder med matolje eller frityrolje, skal dette samlast opp i ein plastkanne og leverast til Horisonts miljøstasjon.
Sjå opningstidene på Horisont sin heimeside.
Ribbefeit og anna feit mat
Feitt frå ribbe, pinnekjøt, smultgryte og liknande lar ein stå til det er avkjølt og stivna. Då er det berre å skrape av fettet og putte i posen for matavfall. Siste rest av feitt fjernast med tørkepapir før steikebrettet vaskast i oppvaskkummen.