Også tiltak i andre vassdrag kan vera søknadspliktige, les meir om det ved å klikka her.
Tiltak i Lærdalsvassdraget
Lærdalsvassdraget har ein sentral plass i Lærdalssamfunnet. Lærdalselvi gjev vatn til landbruk og hushaldning og den gjev liv til den verdenskjente laksebestanden. Samstundes gjev elva lokalsamfunnet utfordringar med flaum, som kan medføre endringar i elveløp, skader på erosjonssikring, tersklar, utstikkerar, kulvertar, bruer, regulering og vassuttak.
Tiltak i Lærdalselvi er søknadspliktige og det er utarbeidd ein forvaltingsplan for Lærdalsvassdraget som vert nytta som rettleiar for sakshandsaming av søknader i vassdraget.
Klikk her for å lasta ned forvaltingsplan for Lærdalsvassdraget (PDF, 5 MB)
Søknaden kan sendast inn til kommunen:
Søknaden blir sendt til uttale hjå regionale myndigheiter, før det vert fatta endeleg vedtak. Regionale myndigheiter kan vera Statsforvaltaren i Vestland, NVE og Vestland fylkeskommune. Uttale frå myndigheiter har i dei fleste tilfelle sterk påverknad på vedtaket fatta av Lærdal kommune og dei har klagerett på vedtaket.
Direktoratet for byggkvalitet er eit nasjonalt kompetansesenter på bygningsområdet som kan gje rettleiing om søknadspliktig tiltak, om krav til søknadsprosessen og gje tilgang til skjema (digitale og manuelle).
Førehandssamtale ved tiltak
Kommune vil sterkt tilrå at det vert halde førehandssamtale med byggesakshandsamar før det vert sendt søknad.
Du vil få informasjon om:
- Forvaltningsplan for Lærdalsvassdraget
- Krav til byggesøknaden
- Krav til planleggjar og utførande