Skorstein

Teglsteinspipe var den mest vanlege pipa før 1960. Dei fleste teglsteinspipene blei oftast sett opp med halvsteins vange (110mm). Pipene er karakterisert av høg tetthet og høg varmeleidingsevne. Dei blei i mange høve sett opp attmed bærande trekonstruksjonar.

Teglsteinpiper er tette og har høg varmeleidingsevne. Tettpiper gir gode trekkforhold, etter at pipa er varma noko opp. Den høge varmeleidingsevna kan under ein eventuell sotbrann der pipe er ført opp attmed treverk antenne. Difor set det visse krav til korleis teglsteinspiper skal setjast opp, dette kjem vi tilbake til under avstandskrav for teglsteinspiper.

Ved eventuelle gjennomgåande sprekker i pipa, er det ingen barriere mellom dei varme røykgassane og bygningskontruksjonen.

På 1960-talet blei det retta eit større fokus for å redusere overflatetemperatur og gjennomgåande oppsprekking i teglsteinspiper.

Avstandskrav for teglsteinspiper 

• Teglsteinspiper skal ikkje stå attmed vegg av brennbart materiale eller dekkast til på sideflatene med brennbart materiale. Alle dei fire sidene på pipa, skal vere frie for inspeksjon.
• Det skal vere minst 230mm frå røykløpets indre flate til brennbart materiale. Dette gjeld ikkje gulvbord, himlingspanel, gulv- og taklister av tre, om pipa har 20mm tjukk puss, samt det mellom puss og treverk monterast ubrennbar plate.
• Om pipa har helsteinvange (230mm), kan vegger av brennbart materiale reisast opp attmed pipa ved hjørnet. På piper med halvsteinvange kan også to vegger reisast opp attmed hjørnet med atterhald om utstikk på pipa slik at avstanden blir 230mm.
• På piper med ventilasjonskanal, kan vegg ligge heilt innatt på den sida det gjeld.

Teglsteinspipe er godkjent i oppstillingsklasse 1*.

Vi deler elementskorsteinar inn i tre hovudtypar:

1. Sementbaserte skorsteinar,
2. Keramiske skorsteinar
3. Stål skorsteinar.

Desse tre hovudtypar kan att delast inn i;

• Einlaga
• Tolaga
• Trelaga
• Firelaga skorsteinar

Det er materialet i røykkanalen som fortel oss kva hovudgruppe skorsteinen høyrer til.

Trelags elementskorsteinar er dei mest vanlege i dag. Denne typen elementskorstein er bygd opp av et ytterelement, isolasjonslag og sjølve røykkanalen. Det er røykkanalen me stiller krav til når det gjeld tetting og bestandigheit, dei to andre laga har andre funksjonar.

Alle lag i ein elementskorstein har fastlagde oppgåver. Det er difor viktig at dimensjonering og monteringsinstruksjonar for skorstein og ildstad blir følgde.

Avstandskrav for elementskorsteinar

Monteringsrettleiinga til typegodkjende elementskorsteinar viser korleis dei ulike elementskorsteinane skal monterast.

Elementskorsteinar er godkjende i oppstillingsklasse 2 og 3**.