Kulturskule

Frå 10 år.

Dette er eit tilbod til elevane i 5. klasse og oppover. Eleven vil jobbe med både bilde og skulptur i ulike materiale. Eleven vil få innføring i ulike teikne og maleteknikkar i tillegg til leire.

• Stad: Lærdalsøyri skule
• Tid: tysdagar 15.30-16.00 

Frå 8 år.

Vi kan tilby gitar på mange måtar! Om du vil spele AC/DC eller Metallica, Taylor Swift eller ein god country-låt, fingerspel eller plekter, så har vi det dekka. Kanskje du vil lære å spele sologitar og stå på scena med eit band? Eller kanskje du berre vil lære deg nokre grep og spele for ditt eige selskap? Då fikser vi det.

Vi kan tilby bassgitar til deg som ynskjer å meistre å spele pop, rock eller metall! Lær deg grep og å spele med plekter eller fingerspel. Vi speler gjennom eit variert repertoar av songar, der også dine songynskjer er med! Det vert fokus på samspel, og «jamming» til trommemaskin og backing tracks.  

For 2.-4.klasse.

• Stad: Lærdalsøyri skule
• Tid: Måndagar 13.45-14.15 

Noko av det absolutt gøyaste med musikk er å spele i lag med andre. Dette året har vi spesielt fokus på band og har du og venene dine eit brennande ynskje om å spele i lag så legg vi til rette for dette. Det vert låtskrivarkurs, bandseminar og workshops dette året. I faget lærer du å spele i lag, plukke ut låtar, lage låtar og generelt det å ha det gøy med vener og musikk!

Frå 8 år.

Individuell undervisning på piano. Tradisjonell opplæring i hovudsak etter notar.

Frå 8 år.

Vi kan tilby trommeundervisning der du får dekke det du treng innan pop- og rocksjangeren! Lær deg det grunnleggjande for kunne å spele forskjellige taktarter, rytmer og overslag. Vi har fokus på samspel og det å lære å spele med andre i band.

Frå 4.klasse og oppover.

Ukulele er eit spanande instrument  som kan brukast til det meste! Undervisninga tek for seg populære låtar i samtida. Du lærer akkordar, notar/tabulatur og det å spele kjende songar.

Frå 8 år.

Individuell undervisning i song. Elevane får kjennskap til si eiga stemme på sine eigne premiss og få ei forståing av korleis kroppen hjelp oss til å synga og korleis ein bruker stemma til uttrykke seg. Dei får også læra å synga fleirstemt saman og mogelegheitar til å opptre saman med akkompagnør eller band.

Dette er eit tilbod frå 5.klasse og oppover.

Lærdal kulturskule tilbyr undervisning i drama/teater. I timane våre jobbar me med ulike former for teater og drama, som improvisasjon, skodespel, og arbeid med karakterar. I slutten av kvart semester er målet å ha ei framsyning for publikum, der me anten tek utgangspunkt i eit manus, eller noko me har skreve eller improvisert fram sjølv.

Frå 8 år.

Individuell undervisning på trekkspel. Trekkspelet er fyrst og fremst rekna som eit folkemusikkinstrument, men er svært anvendeleg  også i andre musikksjangrar. Me lærer å meistre instrumentet både «på gamlemåten» gjennom øyra og med bruk av notar.

Frå 7.klasse.

Vil du læra å laga ein song? Ynskjer du å skriva tekstar, laga dikt, noveller eller romanar? Vil du laga ditt eige, vesle teaterstykke, ein sketsj eller eit drama i tre delar?

Vil du kanskje få eit innblikk i korleis ein produserer ei låt frå start til sluttprodukt? Eller likar du alle instrument og ynskjer ikkje å låsa deg til eitt enkelt, men vil prøva ulike instrumentgrupper? Vil du kanskje læra korleis ein arrangerer ein konsert, ei utstilling eller event etc.?

Musikkinteressefaget tek sikte på å få med deg som er kreativ, vil utvikla deg, ynskjer å læra nye ting og til dømes har lyst å laga spanande kulturelle opplevingar for deg sjølv eller andre. Dette nye faget vert leia av rektor I Lærdal kulturskule, Ketil Thorbjørnsen. Med lang og rik erfaring frå kulturfeltet vil han bruka den kompetansen som ligg i kulturskulen til å utvikla talenta som fell utanfor dei meir etablerte disiplinane i kulturskulen. 

Her skal det vera rom for krysningar av fagfelt, samarbeid, utvikling, studioarbeid, skriveøkter og kreativitet. Om du ynskjer å søkja på musikkinteressefaget så skriv du i innmeldingskjemaet kva du ynskjer å setja deg inn i eller læra. 

Frå 1.klasse.

Dans utan grenser, har ingen grenser! Her står danseglede i fokus og våre dyktige danseinstruktørar står klare til å ta imot akkurat deg! Dette er eit svært populært tilbod så ver rask med å melda deg på!