Skjenkeløyve for ope eller lukka arrangement

Når må ein søkje?

Du må søkje om skjenkeløyve dersom

• du leiger lokale, tar betalt for alkohol eller dersom lokalet berre har serveringsløyve
• du skal servere alkohol i eit lukka selskap som til dømes bryllaup, jubileum eller interne arrangement i firma
• du skal ha eit arrangement som er ope for publikum, i lokale utan skjenkeløyve eller utandørs på eit avgrensa område

Kva er eit lukka arrangement?

Arrangementet reknast som lukka dersom

• gjestene er personleg invitert og meldt seg på før arrangementet startar
• deltakarane har ei eller anna tilknyting til den som inviterer
• arrangementet ikkje er ope for utanforståande
• arrangementet har eit bestemt føremål eller anledning, som til dømes bryllaup, konfirmasjon eller jubileum.

Arrangement som ikkje reknast som lukka, er til dømes

• vanlege medlemsmøter i ein foreining
• samankomstar for idrettslag, klubbar, organisasjonar og liknande
• studentfestar og russearrangement
• kundekveldar, mat- og vinkurs, kunstutstillingar, VIP-arrangement
• arrangement som har avgrensa tilgang, men der det ikkje ligg føre nødvendig tilknyting til den eller dei som inviterer - til dømes veners vener-fest, grendafest e.l.

Hvis arrangementet ikkje oppfyller krava til lukka arrangement, må du søkja om løyve for ope arrangement. Eventuelt kan verksemd som har fast skjenkeløyve søkja utvida skjenkeløyve for einskildarrangement.

Søk om skjenkeløyve for arrangement

Du søkjer om skjenkeløyve for arrangement ved å fylla ut skjemaet under.

Søk om skjenkeløyve for arrangement