Søknadsskjema, retningsliner og lovverk

• Du kan tinga leigekøyrar til å utføre dei fleste typar transportoppdrag med snøscooter utan å søkja. Leigekøyrarane har sjølvsagt visse retningsliner dei er forplikta til å følgje. (sjå kontaktinformasjon lenger nede). 
• Ferdsel i jordbruks- og skogbrukssamanheng. Naudsynt person og godstransport i jordbruks-, skogbruks,- eller reindriftsnæring (jakt, fangst, fiske og bærplukking vert ikkje rekna som næring i denne samanheng). Verksemda må ha ei reel næringsmessig omfang og inntektsgrunnlag knytt til formålet med køyringa. T.d. treng snøscootertransport til stølar/hytter i utmark dispensasjon, dersom det ikkje er aktiv landbruksdrift på eigedomen det vert køyrd til/på. 
• Drift av utleigehytter, jakt, fangst, fiske og bærsanking vert ikkje rekna som jordbruks- eller skogbruksnæring. 
• Transport av jaktutbytte frå elg- og hjortejakt. Gjeld traktor, ATV og andre køyretøy. Gjeld ikkje for bruk av helikopter. 
• Snøscooter til transport av material, utstyr og arbeidsfolk med godkjend byggeløyve (Køyring i samband med vanleg vedlikehald gjeld ikkje her). 
• Snøscooter til transport av ved frå eigen eigedom til fast bupel (hytta er ikkje fast bopel). 
• Snøscooter til naudsynt drift av turistanlegg utan brøyta tilkomst. 
• Helikopter med underhengjande last, utan å vere nær bakken eller landa. 
• Anlegg og drift av offentlege vegar og anlegg.  
• Opparbeiding og preparering av skiløyper og skibakkar for ålmenta og for konkurransar, når det skjer i regi av kommunen, hjelpekorps, idrettslag, turlag eller turistbedrifter. Politi, ambulanse, redningsteneste, offentleg oppsyn m.m.  

Kommunane kan gje dispensasjon til motorferdsel i utmark etter skriftleg søknad. Her er nokre døme på køyring som kan få dispensasjon etter søknad:  

• Ervervsmessig transport Forskrifta §5 a 
• Transport for funksjonshemma Forskrifta §5 b 
• Transport av bagasje og utstyr mellom bilveg og hytte, når det i området ikkje er mogeleg å få leigd transport Forskrifta §5 c 
• Transport av ved frå område der ein høgg veden til næraste lastestad, for transport heim til fast bustad. Transport av ved frå anna eigedom etter avtale om uttak av ved med eigar av «anna eigedom» Forskrifta §5 e 
   

Heilikopter 

For landing med helikopter i utmark må du ha ein særskild grunn. Det kan søkjast om løyve til landing med helikopter i utmark jf. Lov om motorferdsel i utmark og vassdrag.  

Særskild grunn er om motorferdselen er naudsynt og/eller eit nytteføremål. Det må dokumenterast at motorferdselen ikkje er av kategorien fornøyelse. 

Å nytte helikopter med frakt av last i så kalla «Longline» utan landing er ikkje søknadspliktig. Men motorferdselen er søknadspliktig jf. aktuell verneforskrift dersom aktiviteten skal utførast i eit verneområde. 

«Longline» - er når eit helikopter fraktar lasta i ei lang line under helikopteret og droppar lasta utan å lande eller flyge så lågt at det kan lastast og/eller losse noko inn eller ut av sjølve helikopteret. 

Hugs å få med i søknadane: 

• Utfyllande med formål og søknad etter rett §. 
• Kart med teikna køyrerute og/eller merka landingsplass for helikopter. 
• Søkje i god tid før køyring/landing – «god tid» er definert i desse sakene som om lag 1 mnd. 
• Opp gje tidspunkt for køyringa og tal turar og/eller landingar. 
• Det er hytteeigar som må søkje om dispensasjon etter §5c. 
   

Grunneigar sitt samtykkje for motorferdsla må vere i orden før køyring/landing finn stad jf § 10 i lova. Dette må søkjar ordne sjølv. 
 
Søknader som gjeld motorferdsel innanfor verneområda må handsamast etter verneforskrifta for område køyringa/landinga gjeld. Om det vert gjeve løyve frå kommunen, men ikkje verneområdestyret er ikkje løyvet frå kommunen gyldig. 

Politiet, Statens naturoppsyn og Fjelloppsynet fører kontroll med at Lov om motorisert ferdsle i utmark og vassdrag og Forskrift for bruk av motorkjøretøyer i utmark og på islagte vassdrag, vert overhalde. Alle som utøver motorisert ferdsle i utmark plikter å la seg kontrollera, og skal på staden kunne syne fram alle dokument som er påbode å ha med under køyringa.

Motorferdsel i utmark er i utgangspunktet forbode, og regulert i Lov om motorferdsel i utmark og vassdrag. Det kan gjevast dispensasjon til naudsynt ferdsel og eller nytteformål.

•    Motorferdsel omfattar alle typar motordrivne framkomstmiddel.
•    Utmark er areal utanfor innmark som til døme: stølsområde, kulturbeite, skogplantefelt, og skogsvegar som ikkje er opparbeidd for bil er areal som vert rekna som utmark etter motorferdselslova. Snødekt opparbeidd veg som ikkje er brøyta, er å rekna som utmark.
•    Motorferdsel i utmark er delt inn i barmark og snødekke. Reglane for motorferdsel i utmark på snødekke er mindre strenge enn på barmark då det gir mindre varige spor i terrenget.