Tilskotsordningar og stipendLærdal kommune deler årleg ut kulturmidlar til lag og organisasjonar og kultur- og idrettstipend til ungdom. I tillegg har kommunen tilskotsordninga “Fritidskassa” for kostnader ved organisert aktivitet for born og unge. Årviss søknadsfrist for begge er 15. april, det blir publisert utlysningstekstar på kommunen si nettside i løpet av februar - mars.KulturmidlarLærdal kommune lyser kvart år ut kulturmidlar til frivillige lag og organisasjonar som arbeider innan kulturområdet i kommunen. I vurderinga av søknadane vil kommunen leggje særleg vekt på aktivitetsnivå, generell økonomisk evne og søkjaren sitt tilbod til barn og ungdom. Retningslinjer for tildeling av kulturmidlar i Lærdal kommune finn du ved å klikka på denne lenkja (PDF, 309 kB)Elektronisk sjema for søknad om kulturmidlar finn du på denne lenkja (krev innlogging med ID-porten)Kultur og idrettsstipend for ungdomLærdal kommune lyser kvart år ut kultur- og idrettsstipend for unge talent og utøvarar mellom 15 og 25 år. Føremålet med stipendet er å hjelpe unge, aktive kulturutøvarar til å søkje utvikling og framgang på sitt område. I tillegg vil stipendet stimulere til kunstproduksjonar, kunstutøving, idrettsprestasjonar eller utdanning innanfor kultur og idrett. Stipendet kan også tene som ein honnør for særleg innsats og til vidare inspirasjon. Ein kan søke sjølv eller kome med framlegg om andre kandidatar.Retningslinjer for tildeling av kultur-og idrettstipend for ungdom finn du ved å klikka på denne lenkja (PDF, 272 kB)Elektronisk skjema for søknad om kultur- og idrettsstipend til ungdom finn du på denne lenkja (krev innlogging med ID-porten)FritidskassaFritidskassa skal sørgja for at barn og unge får høve til å delta i organiserte fritidsaktivitetar.Tilbodet er eit ubyråkratisk lågterskeltilbod som femnar breitt, og familieøkonomien skal ikkje vera ei avgrensing.Les meir om og søk om tilskot frå Fritidskassa ved å klikka på denne lenkja.